ఇండియన్ ఆయిల్‌లో 500 అప్రెంటిస్ ఉద్యోగాలు.. ఇంటర్, డిప్లొమా, డిగ్రీ అర్హత | IOCL Apprentice Recruitment 2026
ఇండియన్ ఆయిల్‌లో 500 అప్రెంటిస్ ఉద్యోగాలు.. ఇంటర్, డిప్లొమా, డిగ్రీ అర్హత | IOCL Apprentice Recruitment 2026
IOCL Apprentice Recruitment 2026 : ప్రభుత్వ రంగ సంస్థ అయిన ఇండియన్ ఆయిల్ కార్పొరేషన్ లిమిటెడ్ (IOCL) నిరుద్యోగులకు శుభవార్త అందించింది. సంస్థకు చెందిన పైప్‌లైన్స్ విభాగంలో దేశవ్యాప్తంగా సుమారు 500 అప్రెంటిస్ ఖాళీల భర్తీకి నోటిఫికేషన్ విడుదల చేసింది. ఇంటర్మీడియట్, డిప్లొమా, డిగ్రీ అర్హత కలిగిన అభ్యర్థులు ఈ అవకాశానికి దరఖాస్తు చేసుకోవచ్చు.
ఈ నియామకాల్లో టెక్నీషియన్ అప్రెంటిస్, ట్రేడ్ అప్రెంటిస్, డేటా ఎంట్రీ ఆపరేటర్ తదితర విభాగాల్లో ఖాళీలు ఉన్నాయి. అర్హత కలిగిన పురుషులు, మహిళలు ఆన్‌లైన్ ద్వారా డిసెంబర్ 5, 2026లోపు దరఖాస్తు చేసుకోవాలి.
IOCL అప్రెంటిస్ ఉద్యోగాల వివరాలు
• సంస్థ పేరు: ఇండియన్ ఆయిల్ కార్పొరేషన్ లిమిటెడ్ (IOCL)
• విభాగం : పైప్‌లైన్స్ డివిజన్
• మొత్తం ఖాళీలు : 500 పోస్టులు
• పోస్టుల పేర్లు : టెక్నీషియన్ అప్రెంటిస్, ట్రేడ్ అప్రెంటిస్, డేటా ఎంట్రీ ఆపరేటర్ (DEO)
• విద్యార్హత : ఇంటర్మీడియట్, డిప్లొమా, డిగ్రీ
• వయస్సు పరిమితి : 18–24 సంవత్సరాలు
• వయోసడలింపు: SC/STలకు 5 ఏళ్లు, OBCలకు 3 ఏళ్లు, దివ్యాంగులకు నిబంధనల ప్రకారం
• దరఖాస్తు విధానం : ఆన్‌లైన్
• దరఖాస్తుకు చివరి తేదీ : 05 డిసెంబర్ 2026
• శిక్షణ కాలం : 12 నెలలు
• ఎంపిక విధానం: విద్యార్హతలో సాధించిన మార్కుల మెరిట్ ఆధారంగా ఎంపిక.
ఏయే పోస్టులు ఉన్నాయి : ఈ నోటిఫికేషన్ ద్వారా ప్రధానంగా కింది విభాగాల్లో అప్రెంటిస్ శిక్షణకు అభ్యర్థులను ఎంపిక చేస్తారు.
• టెక్నీషియన్ అప్రెంటిస్ – మెకానికల్
• టెక్నీషియన్ అప్రెంటిస్ – ఎలక్ట్రికల్
• టెక్నీషియన్ అప్రెంటిస్ – టెలికమ్యూనికేషన్ అండ్ ఇన్‌స్ట్రుమెంటేషన్
• ట్రేడ్ అప్రెంటిస్ – అసిస్టెంట్ హ్యూమన్ రిసోర్స్
• ట్రేడ్ అప్రెంటిస్ – అకౌంటెంట్
• డేటా ఎంట్రీ ఆపరేటర్ (ఫ్రెషర్)
• డొమెస్టిక్ డేటా ఎంట్రీ ఆపరేటర్ (స్కిల్ సర్టిఫికెట్ హోల్డర్స్)
విద్యార్హతలు ఏముండాలి : పోస్టును బట్టి విద్యార్హతలు మారుతాయి. డేటా ఎంట్రీ ఆపరేటర్ పోస్టులకు కనీసం ఇంటర్మీడియట్ అర్హత ఉండాలి. టెక్నీషియన్ అప్రెంటిస్ పోస్టులకు సంబంధిత విభాగంలో మూడేళ్ల డిప్లొమా పూర్తి చేసి ఉండాలి. అసిస్టెంట్ హ్యూమన్ రిసోర్స్ పోస్టుకు ఏదైనా విభాగంలో డిగ్రీ, అకౌంటెంట్ పోస్టుకు బీకామ్ డిగ్రీ అవసరం.
డొమెస్టిక్ డేటా ఎంట్రీ ఆపరేటర్ పోస్టుకు ఇంటర్మీడియట్‌తో పాటు సంబంధిత స్కిల్ సర్టిఫికెట్ కూడా అవసరం. అర్హతలు నిర్ణీత నిబంధనలకు అనుగుణంగా ఉండాలి.
వయస్సు పరిమితి : అభ్యర్థుల వయస్సు 18 నుంచి 24 సంవత్సరాల మధ్య ఉండాలి. వయస్సును 30 నవంబర్ 2026 నాటికి లెక్కిస్తారు.
రిజర్వేషన్ నిబంధనల ప్రకారం ఎస్సీ, ఎస్టీ అభ్యర్థులకు ఐదేళ్లు, ఓబీసీ (నాన్‌ క్రీమీ లేయర్) అభ్యర్థులకు మూడేళ్లు వయోసడలింపు ఉంటుంది. దివ్యాంగ అభ్యర్థులకు కూడా నిబంధనల ప్రకారం వయోసడలింపు వర్తిస్తుంది.
ఎంపిక విధానం ఎలా ఉంటుంది : ఈ అప్రెంటిస్ పోస్టులకు అభ్యర్థుల విద్యార్హతల్లో సాధించిన మార్కుల ఆధారంగా మెరిట్ జాబితా రూపొందించి ఎంపిక చేస్తారు. మెరిట్‌లో నిలిచిన అభ్యర్థులకు సర్టిఫికెట్ వెరిఫికేషన్, వైద్య పరీక్షలు నిర్వహిస్తారు. శిక్షణ కాలం 12 నెలలు ఉంటుంది.
స్టైపెండ్ ఎంత ఉంటుంది : ఎంపికైన అభ్యర్థులకు అప్రెంటిస్ చట్టం, సంబంధిత నిబంధనలు మరియు ఇండియన్ ఆయిల్ మార్గదర్శకాల ప్రకారం నెలవారీ స్టైపెండ్ చెల్లిస్తారు. ఖచ్చితమైన మొత్తం పోస్టు, వర్తించే నిబంధనలను బట్టి ఉంటుంది.
దరఖాస్తు ఎలా చేసుకోవాలి : అర్హత కలిగిన అభ్యర్థులు ఆన్‌లైన్‌లో దరఖాస్తు చేసుకోవాలి. ముందుగా సంబంధిత పోస్టును బట్టి NATS లేదా NAPS పోర్టల్‌లో రిజిస్ట్రేషన్ పూర్తి చేసి, అనంతరం ఇండియన్ ఆయిల్ పైప్‌లైన్స్ అప్లికేషన్ పోర్టల్‌లో దరఖాస్తు ప్రక్రియను పూర్తి చేయాలి.
ముఖ్యమైన తేదీ వివరాలు
• దరఖాస్తు ప్రారంభ తేదీ: 06 నవంబర్ 2026
• దరఖాస్తుకు చివరి తేదీ: 05 డిసెంబర్ 2026
ముఖ్యమైన లింకులు:
🛑IOCL Official Website Click Here
🛑Notification Pdf Click Here
🛑Apply Online Link Click Here