AP అటవీ శాఖలో ఫారెస్ట్ రేంజ్ ఆఫీసర్ పోస్టులు.. అర్హత, జీతము ముఖ్యమైన తేదీలు పూర్తి వివరాలు ఇవే | APPSC Forest Range Officer Jobs 2026
AP అటవీ శాఖలో ఫారెస్ట్ రేంజ్ ఆఫీసర్ పోస్టులు.. అర్హత, జీతము ముఖ్యమైన తేదీలు పూర్తి వివరాలు ఇవే | APPSC Forest Range Officer Jobs 2026
APPSC Forest Range Officer Recruitment 2026 Eligibility All Details In Telugu : APPSC Forest Range Officer Recruitment 2026 ద్వారా 4 ఫారెస్ట్ రేంజ్ ఆఫీసర్ పోస్టుల భర్తీకి దరఖాస్తులు ఆహ్వానించారు. అక్టోబర్ 16 నుంచి నవంబర్ 5 వరకు అప్లికేషన్లు స్వీకరిస్తారు.
ఆంధ్రప్రదేశ్ అటవీ శాఖలో ఉద్యోగం పొందాలనుకునే అభ్యర్థులకు ఆంధ్రప్రదేశ్ పబ్లిక్ సర్వీస్ కమిషన్ (APPSC) కీలక ప్రకటన విడుదల చేసింది. ఫారెస్ట్ రేంజ్ ఆఫీసర్ పోస్టుల భర్తీకి సంక్షిప్త ప్రకటన సంఖ్య 16/2026ను సెప్టెంబర్ 15, 2026న విడుదల చేసింది.
ఈ నియామకం ద్వారా ఆంధ్రప్రదేశ్ అటవీ సేవలో 4 ఫారెస్ట్ రేంజ్ ఆఫీసర్ పోస్టులను భర్తీ చేయనున్నారు. ఈ పోస్టులకు ఎంపికైన వారికి రూ.48,440 నుంచి రూ.1,37,220 వరకు పే స్కేల్ ఉంటుంది.
దరఖాస్తు తేదీలు : అర్హత ఉన్న అభ్యర్థులు 2026 అక్టోబర్ 16 నుంచి నవంబర్ 5 రాత్రి 11:59 గంటల వరకు ఆన్‌లైన్‌లో దరఖాస్తు చేసుకోవచ్చు. దరఖాస్తులను APPSC అధికారిక వెబ్‌సైట్ ద్వారా మాత్రమే సమర్పించాలి.
వివరమైన నోటిఫికేషన్, దరఖాస్తు విధానం, వయస్సు, రిజర్వేషన్లు, ఫీజు, పరీక్షకు సంబంధించిన ఇతర నిబంధనలు అక్టోబర్ 16లోపు కమిషన్ వెబ్‌సైట్‌లో అందుబాటులోకి రానున్నాయి.
విద్యార్హత ఏమిటి : ఫారెస్ట్ రేంజ్ ఆఫీసర్ పోస్టులకు గుర్తింపు పొందిన యూనివర్సిటీ లేదా సంస్థ నుంచి సంబంధిత బ్యాచిలర్ డిగ్రీ ఉండాలి. ముఖ్యంగా అగ్రికల్చర్, బోటనీ, కెమిస్ట్రీ, కంప్యూటర్ అప్లికేషన్స్, కంప్యూటర్ సైన్స్, ఇంజినీరింగ్, ఎన్విరాన్‌మెంటల్ సైన్స్, ఫారెస్ట్రీ, జియాలజీ, హార్టికల్చర్, మ్యాథమెటిక్స్, ఫిజిక్స్, స్టాటిస్టిక్స్, వెటర్నరీ సైన్స్, జువాలజీ వంటి సబ్జెక్టుల్లో డిగ్రీ ఉన్నవారు అర్హత పొందే అవకాశం ఉంది.
అయితే విద్యార్హతకు సంబంధించిన పూర్తి నిబంధనలు, సమానమైన అర్హతలు, ఇతర షరతులు తెలుసుకోవడానికి వివరణాత్మక నోటిఫికేషన్‌ను తప్పనిసరిగా పరిశీలించాలి.
పరీక్ష విధానం : ఈ పోస్టులకు ఒకే స్థాయి పరీక్ష నిర్వహించనున్నారు. అభ్యర్థుల సంఖ్య ఎక్కువగా ఉన్నా ప్రత్యేకంగా స్క్రీనింగ్ టెస్ట్ నిర్వహించరు. పరీక్షను ఆన్‌లైన్ CBRT విధానంలో నిర్వహిస్తారు. ఒకే పరీక్షను పలు విడతల్లో నిర్వహించాల్సి వస్తే, అవసరాన్ని బట్టి కమిషన్ మార్కుల నార్మలైజేషన్ విధానాన్ని అమలు చేయవచ్చు. దీనికి సంబంధించిన పూర్తి వివరాలను కమిషన్ తరువాత వెల్లడిస్తుంది.
ఈ నియామకానికి సంబంధించిన భౌతిక ప్రమాణాలు కూడా వర్తిస్తాయి. కాబట్టి దరఖాస్తు చేసే ముందు అభ్యర్థులు పూర్తి నోటిఫికేషన్‌లో ఉన్న ఫిజికల్ రిక్వైర్‌మెంట్స్, వయస్సు, విద్యార్హతలు, ఇతర నిబంధనలను జాగ్రత్తగా చదవాలి. ఆన్‌లైన్ విధానం ద్వారా సమర్పించిన దరఖాస్తులను మాత్రమే కమిషన్ పరిగణనలోకి తీసుకుంటుంది.
అధికారిక వెబ్‌సైట్ : ఫారెస్ట్ రేంజ్ ఆఫీసర్ పోస్టులకు సంబంధించిన పూర్తి నోటిఫికేషన్, సిలబస్, పరీక్ష విధానం, దరఖాస్తు వివరాలు APPSC అధికారిక వెబ్‌సైట్ psc.ap.gov.in లో అందుబాటులో ఉంటాయి.
ముఖ్యమైన తేదీలు : దరఖాస్తులు అక్టోబర్ 16, 2026 నుంచి నవంబర్ 5, 2026 వరకు స్వీకరిస్తారు. అభ్యర్థులు అధికారిక నోటిఫికేషన్‌లోని తాజా నిబంధనలను పరిశీలించిన తర్వాతే అప్లికేషన్ పూర్తి చేయాలి.
🛑Notification Pdf Click Here
🛑Official website Click Here