ఇండియన్ ఎయిర్‌ఫోర్స్‌లో ఆఫీసర్ ఉద్యోగాలు.. AFCAT 01/2027 నోటిఫికేషన్ విడుదల | Indian Air Force Recruitment 2027

ఇండియన్ ఎయిర్‌ఫోర్స్‌లో ఆఫీసర్ ఉద్యోగాలు.. AFCAT 01/2027 నోటిఫికేషన్ విడుదల | Indian Air Force Recruitment 2027

Indian Air Force AFCAT 01/2027 Notification 2027 Apply Online, Eligibility, Salary : భారత వైమానిక దళంలో ఉద్యోగం సాధించాలనుకునే యువతకు మంచి అవకాశం వచ్చింది. ఇండియన్ ఎయిర్‌ఫోర్స్ (Indian Air Force) నుంచి AFCAT 01/2027, NCC Special Entry, GATE Score Entry ద్వారా కమిషన్డ్ ఆఫీసర్ పోస్టుల భర్తీకి దరఖాస్తులు ఆహ్వానిస్తున్నారు. పురుషులు, మహిళలు ఇద్దరూ ఈ ఉద్యోగాలకు దరఖాస్తు చేసుకోవచ్చు.

ఈ నోటిఫికేషన్ ద్వారా ఫ్లయింగ్ బ్రాంచ్, గ్రౌండ్ డ్యూటీ టెక్నికల్, గ్రౌండ్ డ్యూటీ నాన్-టెక్నికల్ విభాగాల్లో ఉద్యోగ అవకాశాలు కల్పిస్తున్నారు. అర్హత కలిగిన అభ్యర్థులు ఆన్‌లైన్ విధానంలో దరఖాస్తు చేసుకోవాలి.

ఇండియన్ ఎయిర్‌ఫోర్స్‌లో ఆఫీసర్ ఉద్యోగాల ముఖ్యమైన వివరాలు

• సంస్థ పేరు: ఇండియన్ ఎయిర్‌ఫోర్స్ (IAF)
• రిక్రూట్‌మెంట్ పేరు: AFCAT 01/2027
• ఉద్యోగాల విభాగం : కమిషన్డ్ ఆఫీసర్ పోస్టులు
• బ్రాంచులు : ఫ్లయింగ్, గ్రౌండ్ డ్యూటీ టెక్నికల్, నాన్-టెక్నికల్
• ఎంట్రీ విధానాలు : AFCAT, NCC Special Entry, GATE Score Entry
• అర్హులు: పురుషులు, మహిళలు
• దరఖాస్తు విధానం: ఆన్‌లైన్
• కోర్సులు ప్రారంభం: జనవరి 2028
• శిక్షణ కేంద్రం: ఎయిర్‌ఫోర్స్ అకాడమీ, దుండిగల్, హైదరాబాద్.

ఖాళీల వివరాలు : ఈ నోటిఫికేషన్ ద్వారా వివిధ విభాగాల్లో కమిషన్డ్ ఆఫీసర్లను ఎంపిక చేయనున్నారు.

• Flying Branch
• Ground Duty (Technical) – Aeronautical Engineer (Electronics)
• Ground Duty (Technical) – Aeronautical Engineer (Mechanical)
• Ground Duty (Non-Technical) – Weapon Systems
• Administration
• Logistics
• Accounts
• Education
• Meteorology

వీటితో పాటు NCC Special Entry ద్వారా ఫ్లయింగ్ బ్రాంచ్‌లో, GATE Score Entry ద్వారా టెక్నికల్ బ్రాంచ్‌లో కూడా అవకాశాలు కల్పిస్తున్నారు. ఖాళీలు తాత్కాలికమైనవని, సంస్థ అవసరాలను బట్టి మారవచ్చని నోటిఫికేషన్‌లో పేర్కొన్నారు. Indian Air Force

విద్యార్హతలు : ఈ ఉద్యోగాలకు దరఖాస్తు చేసుకునే అభ్యర్థులకు బ్రాంచ్‌ను బట్టి విద్యార్హతలు నిర్ణయించారు.

• ఫ్లయింగ్ బ్రాంచ్ : ఇంటర్మీడియట్‌లో మ్యాథమెటిక్స్, ఫిజిక్స్ తప్పనిసరిగా చదివి ఉండాలి. గుర్తింపు పొందిన యూనివర్సిటీ నుంచి ఏదైనా విభాగంలో కనీసం మూడేళ్ల డిగ్రీ లేదా BE/B.Tech పూర్తి చేసి ఉండాలి.

• గ్రౌండ్ డ్యూటీ టెక్నికల్ : ఇంటర్మీడియట్‌లో ఫిజిక్స్, మ్యాథమెటిక్స్ ఉండాలి. సంబంధిత ఇంజనీరింగ్ విభాగాల్లో నాలుగేళ్ల BE/B.Tech లేదా నోటిఫికేషన్‌లో పేర్కొన్న తత్సమాన అర్హత ఉండాలి. GATE Score Entry ద్వారా దరఖాస్తు చేసుకునేవారికి సంబంధిత BE/B.Tech డిగ్రీతో పాటు అర్హత కలిగిన GATE స్కోర్ అవసరం.

• గ్రౌండ్ డ్యూటీ నాన్-టెక్నికల్ : Administration, Logistics విభాగాలకు ఏదైనా విభాగంలో డిగ్రీ ఉండాలి. Accounts విభాగానికి B.Com, ఫైనాన్స్ స్పెషలైజేషన్‌తో BBA/BMS/BBS లేదా CA/CMA/CS/CFA వంటి అర్హతలు ఉండాలి. Education విభాగానికి సంబంధిత పోస్ట్ గ్రాడ్యుయేషన్ అర్హత అవసరం. Meteorology విభాగానికి సంబంధిత B.Sc లేదా ఇంజనీరింగ్ అర్హతలు ఉండాలి.

అభ్యర్థులు తమ విద్యార్హతకు సరిపోయే బ్రాంచ్‌ను అధికారిక నోటిఫికేషన్‌లో పరిశీలించాలి.

వయోపరిమితి : ఈ నోటిఫికేషన్‌లో వయస్సును 01 జనవరి 2028 నాటికి లెక్కిస్తారు.

• Flying Branch: 20 నుంచి 24 సంవత్సరాలు.
• Commercial Pilot License ఉన్నవారికి: గరిష్ఠ వయస్సు 26 సంవత్సరాల వరకు.
• Ground Duty Technical & Non-Technical: 20 నుంచి 26 సంవత్సరాలు.
• ఫ్లయింగ్ బ్రాంచ్‌కు సాధారణంగా 02 జనవరి 2004 నుంచి 01 జనవరి 2008 మధ్య జన్మించిన వారు అర్హులు. గ్రౌండ్ డ్యూటీ బ్రాంచ్‌లకు 02 జనవరి 2002 నుంచి 01 జనవరి 2008 మధ్య జన్మించిన వారు అర్హులు.
• అభ్యర్థులు కోర్సు ప్రారంభ సమయానికి అవివాహితులై ఉండాలి. Indian Air Force

జీతభత్యాల వివరాలు : ఇండియన్ ఎయిర్‌ఫోర్స్‌లో ఎంపికైన అభ్యర్థులకు ఆకర్షణీయమైన జీతంతో పాటు వివిధ అలవెన్సులు అందిస్తారు.

• పోస్టు: Flying ఆఫీసర్
• పే లెవల్: Level 10
• పే స్కేల్: ₹56,100 – ₹1,77,500
• Military Service Pay: ₹15,500 నెలకు.
• శిక్షణ సమయంలో ఫ్లైట్ క్యాడెట్లకు నెలకు ₹56,100 స్టైపెండ్ చెల్లిస్తారు.
• అదనంగా పోస్టింగ్, విధుల స్వభావాన్ని బట్టి ఫ్లయింగ్ అలవెన్స్, ట్రాన్స్‌పోర్ట్ అలవెన్స్, టెక్నికల్ అలవెన్స్, ఇతర వర్తించే అలవెన్సులు కూడా లభిస్తాయి.

శిక్షణ వివరాలు : ఎంపికైన అభ్యర్థులకు జనవరి 2028 మొదటి వారంలో శిక్షణ ప్రారంభమవుతుంది.

• Flying Branch: 74 వారాలు.
• Ground Duty Technical: 74 వారాలు.
• Ground Duty Non-Technical: 50 వారాలు.

ఈ శిక్షణ హైదరాబాద్‌లోని దుండిగల్ ఎయిర్‌ఫోర్స్ అకాడమీలో నిర్వహిస్తారు.

ఎంపిక విధానం : అభ్యర్థుల ఎంపికకు ఎంట్రీ విధానాన్ని బట్టి పరీక్షలు, ఇంటర్వ్యూలు నిర్వహిస్తారు.

• AFCAT ఎంట్రీకి ఆన్‌లైన్ రాత పరీక్ష.
• రాత పరీక్షలో అర్హత సాధించిన వారికి AFSB సెలక్షన్.
• అనంతరం మెడికల్ పరీక్షలు.
• తుది మెరిట్ జాబితా ఆధారంగా ఎంపిక.
• AFCAT ఆన్‌లైన్ పరీక్ష 31 జనవరి 2027న నిర్వహించనున్నట్లు అధికారిక నోటిఫికేషన్‌లో వెల్లడించారు.

NCC Special Entry అభ్యర్థులకు రాత పరీక్ష నుంచి మినహాయింపు ఉంటుంది. అర్హత కలిగిన NCC Air Wing Senior Division ‘C’ సర్టిఫికెట్ ఉన్న అభ్యర్థులను నేరుగా AFSB పరీక్షకు పిలుస్తారు. Indian Air Force

దరఖాస్తు ఫీజు : AFCAT Entry అభ్యర్థులకు ₹550 + 18% GST. NCC Special Entry అభ్యర్థులకు పరీక్ష ఫీజు లేదు. GATE Score Entry అభ్యర్థులకు కూడా పరీక్ష ఫీజు లేదు. ఫీజును ఆన్‌లైన్ విధానంలో చెల్లించాలి.

ముఖ్యమైన తేదీలు

• దరఖాస్తుల ప్రారంభ తేదీ : 12 నవంబర్ 2026 ఉదయం 11 గంటల నుంచి
• దరఖాస్తులకు చివరి తేదీ : 11 డిసెంబర్ 2026 రాత్రి 11:30 గంటల వరకు
• AFCAT పరీక్ష తేదీ : 31 జనవరి 2027
• శిక్షణ ప్రారంభం : జనవరి 2028 మొదటి వారం

దరఖాస్తు చేసుకునే విధానం : అర్హత కలిగిన అభ్యర్థులు క్రింది విధంగా ఆన్‌లైన్‌లో దరఖాస్తు చేసుకోవాలి.

• ముందుగా అధికారిక AFCAT వెబ్‌సైట్‌ను ఓపెన్ చేయాలి.
• AFCAT 01/2027 రిజిస్ట్రేషన్ లింక్‌పై క్లిక్ చేయాలి.
• మీ పేరు, మొబైల్ నంబర్, ఈమెయిల్ వివరాలతో రిజిస్ట్రేషన్ చేసుకోవాలి.
• లాగిన్ అయి వ్యక్తిగత వివరాలు, విద్యార్హతలు నమోదు చేయాలి.
• ఫోటో, సంతకం, థంబ్ ఇంప్రెషన్ అప్‌లోడ్ చేయాలి.
• వర్తించే అప్లికేషన్ ఫీజు చెల్లించాలి.
• చివరగా అప్లికేషన్ సబ్మిట్ చేసి ప్రింట్ తీసుకోవాలి.
• ఆన్‌లైన్ రిజిస్ట్రేషన్‌కు ఆధార్ కార్డు తప్పనిసరి.

ముఖ్యమైన అప్లికేషన్ లింక్స్

🛑AFCAT Official Website Click Here

🛑Apply Online Click Here

🛑Notification Pdf Click Here