CSIR-NEERI లో టెక్నికల్ పోస్టులు.. రూ.86 వేల వరకు జీతం.. అక్టోబర్ 15 చివరి తేదీ
CSIR-NEERI లో టెక్నికల్ పోస్టులు.. రూ.86 వేల వరకు జీతం.. అక్టోబర్ 15 చివరి తేదీ
CSIR NEERI Technical Assistant Officer Jobs 2026 : ప్రభుత్వ పరిశోధనా సంస్థలో ఉద్యోగం పొందాలనుకునే అభ్యర్థులకు మంచి అవకాశం వచ్చింది. నాగ్‌పూర్‌లోని CSIR-National Environmental Engineering Research Institute (CSIR-NEERI) టెక్నికల్ అసిస్టెంట్, టెక్నికల్ ఆఫీసర్ పోస్టుల భర్తీకి ఆన్‌లైన్ దరఖాస్తులను ఆహ్వానించింది. అర్హత ఉన్న అభ్యర్థులు అక్టోబర్ 15, 2026 వరకు అప్లై చేసుకోవచ్చు.
పోస్టులు, జీతం నోటిఫికేషన్‌లో పేర్కొన్న వివరాల ప్రకారం టెక్నికల్ అసిస్టెంట్‌కు 1 పోస్టు, టెక్నికల్ ఆఫీసర్‌కు 12 పోస్టులు ఉన్నాయి. టెక్నికల్ అసిస్టెంట్ పోస్టు పే మ్యాట్రిక్స్ లెవల్-6లో ఉండగా, టెక్నికల్ ఆఫీసర్ పోస్టులు లెవల్-7లో ఉన్నాయి. 7వ వేతన సంఘం ప్రకారం అలవెన్సులతో కలిపి టెక్నికల్ అసిస్టెంట్‌కు సుమారు రూ.69,480, టెక్నికల్ ఆఫీసర్‌కు సుమారు రూ.86,580 వరకు మొత్తం నెలవారీ వేతనం ఉంటుందని నోటిఫికేషన్ పేర్కొంది.
విద్యార్హతలు : టెక్నికల్ అసిస్టెంట్ పోస్టుకు గుర్తింపు పొందిన సంస్థ నుంచి కనీసం 60 శాతం మార్కులతో బీఎస్సీ లేదా సమానమైన డిగ్రీతో పాటు సైన్స్ కమ్యూనికేషన్‌లో ఒక సంవత్సరం అనుభవం అవసరం.
టెక్నికల్ ఆఫీసర్ పోస్టులకు పోస్టును బట్టి విద్యార్హత మారుతుంది. సివిల్ ఇంజనీరింగ్, బయోకెమిస్ట్రీ, మైక్రోబయాలజీ, కెమికల్ ఇంజనీరింగ్, కెమిస్ట్రీ, జియో-ఇన్ఫర్మాటిక్స్, జియాలజీ, MBA వంటి విభాగాల్లో అర్హతలు ఉన్నాయి. ఎక్కువ పోస్టులకు సంబంధిత విభాగంలో కనీసం 55 శాతం మార్కులు ఉండాలి.
వయోపరిమితి : టెక్నికల్ అసిస్టెంట్ పోస్టుకు గరిష్ట వయోపరిమితి 28 సంవత్సరాలు. టెక్నికల్ ఆఫీసర్ పోస్టులకు గరిష్ట వయోపరిమితి 30 సంవత్సరాలు. వయోపరిమితిని ఆన్‌లైన్ దరఖాస్తుల చివరి తేదీ అయిన 2026 అక్టోబర్ 15 నాటికి పరిగణిస్తారు. రిజర్వేషన్ కేటగిరీలకు నిబంధనల ప్రకారం వయో సడలింపు ఉంటుంది.
ఎంపిక విధానం : అర్హత ప్రమాణాలను పూర్తి చేసిన అభ్యర్థులను ముందుగా సంబంధిత విభాగంలో ట్రేడ్ టెస్ట్కు పిలుస్తారు. ఇందులో అర్హత సాధించిన అభ్యర్థులు పోటీ రాత పరీక్షకు అర్హత పొందుతారు.
రాత పరీక్ష OMR లేదా కంప్యూటర్ ఆధారిత ఆబ్జెక్టివ్ విధానంలో ఉంటుంది. పరీక్షలో మొత్తం 200 ప్రశ్నలు ఉంటాయి. పేపర్-Iలో మానసిక సామర్థ్యానికి సంబంధించిన ప్రశ్నలు, పేపర్-IIలో జనరల్ అవేర్‌నెస్ మరియు ఇంగ్లిష్, పేపర్-IIIలో సంబంధిత టెక్నికల్ సబ్జెక్ట్‌కు సంబంధించిన ప్రశ్నలు ఉంటాయి. పేపర్-II, IIIలో తప్పు సమాధానాలకు నెగెటివ్ మార్కింగ్ ఉంటుంది.
దరఖాస్తు తేదీలు : ఈ నియామకానికి ఆన్‌లైన్ దరఖాస్తులు 2026 సెప్టెంబర్ 16 ఉదయం 10 గంటల నుంచి ప్రారంభమయ్యాయి. దరఖాస్తు చేసుకోవడానికి చివరి గడువు 2026 అక్టోబర్ 15 సాయంత్రం 5 గంటలు.
దరఖాస్తు రుసుము : అర్హత ఉన్న అభ్యర్థులు వర్తించే సందర్భంలో రూ.500 దరఖాస్తు రుసుము చెల్లించాలి. SC, ST, దివ్యాంగులు, మహిళలు, మాజీ సైనికుల కేటగిరీలకు నిబంధనల ప్రకారం ఫీజు మినహాయింపు ఉంటుంది.
ఎలా అప్లై చేయాలి : అభ్యర్థులు CSIR-NEERI అధికారిక వెబ్‌సైట్ www.neeri.res.in లేదా రిక్రూట్‌మెంట్ పోర్టల్ career.neeri.res.in ద్వారా మాత్రమే ఆన్‌లైన్‌లో దరఖాస్తు చేసుకోవాలి. అప్లికేషన్‌లో వ్యక్తిగత వివరాలు, విద్యార్హతలు సరిగ్గా నమోదు చేసి, ఫొటో, సంతకం, అవసరమైన సర్టిఫికెట్లను అప్‌లోడ్ చేయాలి.
🛑Notification Pdf Click Here
🛑Official Website Click Here